«XX ҒАСЫРДЫҢ — ГОМЕРІ» АТТЫ ТАҚЫРЫПТА ДӨҢГЕЛЕК ҮСТЕЛ ӨТТІ
Солтүстік Қазақстан облысының мемлекеттік архиві ұйымдастырған қазақтың ұлы жыр алыбы Жамбыл Жабаевтың 180 жылдық мерейтойына арналған «XX ғасырдың – Гомері» атты дөңгелек үстел жоғары деңгейде өтті. Тағылымды шараға өңірдің зиялы қауым өкілдері, тарихшылар, архив басшылары мен мамандары, әдебиеттанушылар қатысып, ақынның өмірі мен шығармашылығы кеңінен талқыланды.
Кездесу барысында қатысушылар Жамбыл Жабаевтың қазақ әдебиетіндегі орны, оның айтыс өнерін дамытудағы рөлі және ел бірлігі мен отансүйгіштік рухты жырлаған шығармалары туралы ой-пікірлерімен бөлісті. Ақынның бай мұрасы – халықтың рухани қазынасы екені ерекше атап өтілді. Сонымен қатар архив қорында сақталған құнды құжаттар мен сирек фотосуреттер таныстырылып, көпшілік назарына ұсынылды.
Дөңгелек үстел аясында облыстық архивтің бөлім басшысы С.Зейнуллаұлы «Жамбыл Жабаев – дәуір үні: архивтік фотодеректер негізіндегі тарихи-деректанулық талдау» атты тақырыпта баяндама оқыды. Шара соңында қатысушылар Жамбыл шығармашылығын насихаттау, жас ұрпаққа кеңінен таныту бағытында атқарылатын жұмыстарды жалғастыру қажеттігін айтты.
