РӘМІЗДЕР — ЕЛІМНІҢ ЕРТЕҢІ

4-маусым — «Мемлекеттік рәміздер күні» мерекесіне орай Облыстық архивтің Мәжіліс Залында «РӘМІЗДЕР — ЕЛІМНІҢ ЕРТЕҢІ» атты тақырыпта дөңгелек үстел өткізілді.

Іс-шараға М.Х.Дулати атындағы Тараз университетінің «Тарих» мамандығының 2-курс білімгерлері, университеттің аға оқытушысы Ерлан Түйтебайұлы, мекеме директоры Ляззат Серікбекқызы, директор орынбасары Айгүл Тыныбекқызы мен бөлім басшылары қатысты.

Рәміздер күніне орай өткізілген іс-шара барысында слайд көрсетіліп, студенттер тарапынан баяндамалар оқылды. Өз ойларын ортаға салып, рәміздердің мәні мен маңыздылығы туралы сөз қозғалды.