“ЗАҢДЫ ТҰЛҒАЛАРҒА ЭЦҚ КІЛТІН АЛУ ЖОЛДАРЫ” АТТЫ СЕМИНАР-САБАҚ

Облыстық архивтің Мәжіліс Залында бөлімдер арасында тәжірибе алмасу мен біліктілікті арттыруға бағытталған семинар-сабақ өткізілді.
Тақырыбы – заңды тұлғаларға арналған электрондық цифрлық қолтаңба (ЭЦҚ) кілтін алудың жолдары мен оны практикада тиімді пайдалану мәселелері .
Семинар барысында архив қызметкерлері ЭЦҚ-ның қазіргі таңдағы маңызына, оның құқықтық күшіне және заңды тұлғалар үшін қажеттілігіне тоқталды.
Қатысушылар ЭЦҚ кілтін алудың онлайн және офлайн тәсілдерін, сондай-ақ оны ұзарту және қайта шығару тәртібін жан-жақты талқылады .
Сонымен қатар, ЭЦҚ-ны пайдалану кезіндегі қауіпсіздік шаралары мен оны заңсыз пайдаланудың салдары туралы да кеңес берілді .
Шараның негізгі мақсаты – бөлімдер арасындағы тәжірибе алмасуды жетілдіру және цифрлық технологияларды архив ісінде тиімді қолдану дағдыларын арттыру болды .


ӘДІСТЕМЕЛІК КӨМЕК КӨРСЕТІЛУДЕ…

Ұлттық архив қорын толықтыру бөлімінің қызметкерлері Қазақстан Республикасының 1998 жылғы 22 желтоқсандағы «Ұлттық архив қоры және архивтер туралы»№326-1 Заңы,Қазақстан Республикасының Мәдениет спорт министірінің 2023 жылғы 25 тамыздағы №236 бұйрығы,Қазақстан Республикасы Мәдениет және спорт министірінің 2023 жылғы 25 тамыздағы №235 бұйрығының талаптарының басшылыққа ала отырып, облыстық архивтің жинақтау көзі тізіміндегі «Қазақстан Республикасы Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Жамбыл облысы бойынша департаменті», «Қазақстан Республикасы Су ресурстары және ирригация министрлігі Су шаруашылығы комитетінің Су ресурстарын пайдалануды реттеу және қорғау жөніндегі Шу-Талас бассейндік инспекциясы» РММ, «Қазақ ұлттық су шаруашылығы және ирригация университеті» КЕАҚ-не тиісті әдістемелік көмек көрсетілді.


«ЖИНАҚТАУ КӨЗІ ТІЗІМІНДЕГІ МЕКЕМЕЛЕРГЕ ҚЫЗМЕТ КӨРСЕТУ» ТАҚЫРЫБЫНДА СЕМИНАР-САБАҚ ӨТТІ.

Жамбыл облысы мемлекеттік архивінің Мәжіліс Залында «Жинақтау көзі тізіміндегі мекемелерге қызмет көрсету» тақырыбында семинар-сабақ ұйымдастырылды.

Іс-шараның басты мақсаты – мемлекеттік архивтермен жұмыс істеу саласындағы өзара іс-қимылды жетілдіру және ведомстволық құжаттаманы жүргізу мәселелері бойынша тәжірибелік көмектің қалай жүргізілетіндігін түсіндіру болды .
Семинар барысында мына мәселелер талқыланды:
✅ Іс номенклатурасын дұрыс құрастыру және келісу;
✅ «Е-Архив» ақпараттық жүйесінде жұмыс істеу ерекшеліктері.


“ҚАЗАҚСТАН РЕСПУБЛИКАСЫНЫҢ ЦИФРЛЫҚ КОДЕКСІ” ТУРАЛЫ ЗАҢЫНА ТАЛДАУ БОЙЫНША СЕМИНАР-САБАҚ

Қазақстан Республикасының Цифрлық кодексі 2026 жылғы 9 қаңтардағы № 255-VIII Қазақстан Республикасының Заңы болып, қолданысқа енгізіледі. Бұл кодекс цифрлық деректер мен объектілерді құру, сақтау және пайдалану кезіндегі қатынастарды реттейді.
Осы Заңды түсіндіру мақсатында облыстық архивтің қызметкерлері арасында семинар-сабақ өткізілді.
Семинар барысында Цифрлық кодекстің архив саласына қатысты 65, 90 баптары талқыланды.
Мақсаты — Цифрлық ортадағы қатынастарды реттеу адамның құқықтары мен бостандықтарын сақтау, қауіпсіздік, деректер айналымы еркіндігі, технологиялық бейтараптық және цифрлық әдеп қағидаттарына негізделеді.
Архив саласына қатысты осы Кодекстің 65-бабында цифрлық архив ұғымы нақты айқындалған.
Цифрлық архив дегеніміз – архив ісі және басқаруды құжаттамалық қамтамасыз ету саласындағы уәкілетті орган белгілеген тәртіппен ұйымдастырылған және электрондық нысанда сақталатын электрондық архив құжаттарының және архив құжаттарының электрондық көшірмелерінің жиынтығы деп көрсетілген.
Цифрлық архивтің негізгі міндеттері мыналар болып табылады: Қазақстан халқының мәдени мұрасын сақтау мақсатында жұмыс істейді, ақпараттың қолжетімділігін, құжаттардың сақталуын, ақпараттың тұтастығын сақтайды, құпиялылығын қамтамасыз етеді.
Сонымен қатар, 90-бап «Цифрлық үкіметтің» цифрлық объектісін архивтеу және есептен шығару мәселелерін реттейді. «Цифрлық үкіметтің» цифрлық жазбалары, техникалық құжаттамасы, бастапқы кодтары және цифрлық объектісі «Цифрлық үкімет» цифрлық объектісінің қолданыста болу циклінің кезеңдерін іске асыру қағидаларына сәйкес архивтеуге жатады.


“ЕРЛІК ПЕН ЕҢБЕК ДАСТАНЫ: ЖАМБЫЛДЫҚ МАЙДАНГЕРЛЕР ЖӘНЕ МАЙДАНҒА ХАЛЫҚ КӨМЕГІ” АТТЫ ТАҚЫРЫПТА КӨРМЕ ҰЙЫМДАСТЫРЫЛДЫ.

9 мамыр – Жеңіс күні қарсаңында Жамбыл облысы мемлекеттік архивінде «Ерлік пен еңбек дастаны: жамбылдық майдангерлер және майданға халық көмегі» атты тақырыпта көрме ұйымдастырылды.
Бұл көрменің басты мақсаты – жамбылдық майдангерлердің ерлігін және халықтың майданға көрсеткен көмегін архив құжаттары негізінде кеңінен насихаттау.
Көрмеде соғыс жылдарындағы тыл мен майдан бірлігін айқын көрсететін бірегей құжаттар, фотосуреттер, майдан хаттары қойылған. Деректерге сүйенсек, Жамбыл облысынан Ұлы Отан соғысына 70 мыңнан астам азамат аттанған. Олардың ішінде 20-ға жуығы Кеңес Одағының Батыры атағын иеленсе, 7-еуі «Даңқ» орденінің толық иегері атанған. Бауыржан Момышұлы, Николай Белашов, Амантай Дәулетбеков, Саттар Естемесов – осы есімдер жамбылдық жауынгерлер ерлігінің жарқын үлгісі.
Көрменің бір бөлімі халықтың майданға көрсеткен көмегіне арналған. Соғыс жылдары облыс тұрғындары майданға жылы киім-кешек, азық-түлік тиеген вагондар жөнелтіп, қорғаныс қорына қаражат аударған. Ерлер майданға аттанған соң, олардың орнына әйелдер мен жастар станоктар мен егіс алқаптарында еңбек етіп, Жеңісті жақындатуға бар күш-жігерін салған. Тылдағы қажырлы еңбексіз майдандағы нәтижелі ұрыс мүмкін емес еді.
Қорыта келе, бұл көрме – тек тарихи деректер жинағы емес, ол ұрпаққа үлгі ерлікті насихаттаудың маңызды құралы. Жеңісті жақындатқан майдангерлер мен тыл еңбеккерлерінің есімі әрдайым есте қалмақ.


📚 «МЕМЛЕКЕТТІК ЖӘНЕ МЕМЛЕКЕТТІК ЕМЕС ҰЙЫМДАРДА ҚҰЖАТТАМА ЖАСАУ, ҚҰЖАТТАМАНЫ БАСҚАРУ ЖӘНЕ ЭЛЕКТРОНДЫҚ ҚҰЖАТ АЙНАЛЫМЫ ЖҮЙЕЛЕРІН ПАЙДАЛАНУ «

📍Облыстық архивтің «Ұлттық архив қорын толықтыру бөлімі» бекітілген жоспарға сәйкес, облыстық архивтің жинақтау көзіндегі мекемелерге «Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларын бекіту туралы» Қазақстан Республикасы Мәдениет және спорт министрінің 2023 жылғы 25 тамыздағы № 236 бұйрығының негізінде «Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану» тақырыбында семинар-сабақ өткізілді.



«Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларын бекіту туралы» Қазақстан Республикасы Мәдениет және спорт министрінің 2023 жылғы 25 тамыздағы № 236 бұйрығының негізінде Ұжым арасында «Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану» тақырыбында семинар-сабақ өткізілді.