АСТАНАДА IX ХАЛЫҚАРАЛЫҚ ЖАЗҒЫ МЕКТЕП ӨЗ ЖҰМЫСЫН БАСТАДЫ

Жылдағы дәстүрге сай, биыл да Халықаралық архившілердің жазғы мектебі өз жұмысын бастап кетті.

Негізгі тақырып «Архивтердің ақпараттық архитектурасы: цифрлық шешімдердің жаңа үлгілері».

Қазақстан Республикасы Президентінің директоры Ә.Мұстафина жасанды интеллект пен заманауи архив саласы туралы сөз сөйлеп, жазғы мектеп ісіне сәттілік тіледі.

Бүгіңгі ашылу салтанатына Жамбыл облыстық мемлекеттік архивтің директоры Л.Кожаханова қатысуда.

Қазақстан Республикасы Президентінің Архивінің ұйымдастыруымен өтіп жатқан жазғы мектептің басты мәні – жас мамандарды заманауи архивтанудың өзекті мәселелеріне баулу.

Қазіргі архив – бұл тек қағаз жүзіндегі құжаттарды сақтау орны емес, ол – күрделі ақпараттық жүйе. Сондықтан ақпараттық архитектураны меңгерген, цифрлық шешімдерді құра алатын кадрлар даярлау – уақыт талабы.

Бұл мектептің маңызы зор, себебі:

· Архившілер халықаралық тәжірибемен танысады;

· Жаңа цифрлық модельдерді нақты архив жұмысына енгізуді үйренеді;

· Президент Архивінің базасында тәжірибе жинақтайды;

· Архив саласының болашақ кадрлық әлеуеті қалыптасады.

Жазғы мектеп жұмысына сәттілік тілейміз.

«ҮЗДІК ӨЛКЕТАНУШЫ» ТӨСБЕЛГІСІМЕН МАРАПАТТАЛДЫ

18-мамыр «Халықаралық музейлер күні» мерекесіне орай Жамбыл облыстық тарихи-өлкетану музейінің «Музей түні» атты іс-шара барысында облыстық архивтің бөлім басшысы Сағындық Зейнуллаұлы Республикалық «Туған жер» қазақстандық өлкентанушылар бірлестігінің «»Үздік өлкетанушы төсбелгісімен марапатталды.

«ҚАЗАҚТЫҢ ҚАЙТАЛАНБАС ДАРЫНЫ – ИЛЬЯ ЖАҚАНОВ 90 ЖАСТА»

Қазақ руханиятының көрнекті өкілі, Қазақстанның Еңбек Ері, Қазақстан мен Қырғызстанның еңбек сіңірген қайраткері, композитор, жазушы, өнер зерттеушісі және суретші Илья Жақановтың 90 жасқа толуына орай Жамбыл облысы мемлекеттік архивінің ұйымдастыруымен Руханият және тарихтану орталығының Мәжіліс залында салтанатты кездесу өтті.

Алдымен Илья Жақановтың жеке тектік қорынан көрме дайындалып, өнер иесі мен келген қонақтарға көрсетілді.

Іс-шара барысында өңір басшылығы атынан Жамбыл облысы әкімі аппаратының басшысы Лесбек Құралбайұлы Илебаев Илья Жақановқа шапан жауып, естелік сыйлық табыстады. Бұл рәсім ұлы тұлғаға деген шексіз құрмет пен ізеттің белгісі болды.

Кездесуді Жамбыл облысы мемлекеттік архивінің директоры Ляззат Кожаханова мен «Қарахан» журналының бас редакторы, Тараз билер кеңесінің төрағасы Сатыбалды Досымбеков жүргізді.

Құрметті қонақтар – медицина ғылымдарының докторы, профессор Сағындық Ордабеков, Жамбыл облысы билер кеңесінің төрағасы Оңласын Есіркепов, бастауыш ардагерлер кеңесінің төрайымы Сара Мадиева, жазушы, еңбек сіңірген қайраткер Көсемәлі Сәттібайұлы және басқалар Илья Жақанов жайлы жылы естеліктер айтып, оның еңбегінің ұлт өнері мен әдебиетінде алар орны ерекше екенін атап өтті.

Сонымен қатар, кездесуде Илья Жақановтың жеке тектік құжаттары мемлекеттік сақтауға қабылданғаны туралы куәлік салтанатты түрде тапсырылды. Бұл – оның мұрасының ұрпаққа мәңгі жететінінің айқын дәлелі.

Кездесуге Жамбыл облысы әкімдігінің цифрландыру және архивтер басқармасы, мәдениет және тілдерді дамыту басқармасы, облыстық, қалалық және аудандық архивтер, ардагерлер кеңестері, музей, «Арай» газеті басшылары мен қызметкерлері, ақын-жазушылар, журналистер, қоғам қайраткерлері қатысты.

Кештің шырайын келтірген әнші Бекарыс Көштай «Жайлаукөл кештері», «Кеңгірдің қоңыр кештері», «Балқантау» әндерін орындап, көрермендерге рухани ләззат сыйлады.

Кеш соңында жиналғандар естелік суретке түсіп, бұл шара ұлы тұлғаға деген құрметтің жарқын үлгісі болып тарихта қалды.

«ҚАЗАҚТЫҢ ҚАҺАРМАН ҰЛЫ» АТТЫ МАҚАЛА ЖАРЫҚ КӨРДІ

9-мамыр «Жеңіс» күніне орай Жамбыл облыстық «Арай» газетінің №34 санына архивист Ә.Баққараұлының «Қазақтың қаһарман ұлы» атты мақаласы жарық көрді

МАЙДАНГЕРЛЕР РУХЫНА ТАҒЗЫМ ЕТУ

Жамбыл облысы әкімдігінің цифрландыру және архивтер басқармасы мен Жамбыл облысы мемлекеттік архивінің қызметкерлері майдангерлер рухына тағзым етіп, гүл шоқтарын қойды

АРХИВ ҚЫЗМЕТКЕРЛЕРІ “ЖЕҢІС” САЯБАҒЫНДА ГҮЛ ШОҚТАРЫН ҚОЙЫП, БАТЫРЛАР РУХЫНА ТАҒЗЫМ ЕТТІ

Бүгін архив қызметкерлері «Жеңіс» саябағына барып, Ұлы Отан соғысының батырлары мен ардагерлеріне гүл шоқтарын қойып, құрмет көрсетті. Шара батырлар рухына тағзым ету және олардың Отан жолындағы ерліктерін мәңгі есте сақтау мақсатында ұйымдастырылды.

Саябақтағы мемориалдың алдына гүл шоқтары мен гүлдестелер қойылып, соғыс жылдарында қаза тапқан қаһармандар бір минут үнсіздікпен еске алынды. Архив қызметкерлері әрбір гүлдің арғы бетінде тарих, от пен окоптың куәсі, аман қалған ұрпаққа жеткен аманат барын айтты.

Соғыс ардагерлерінің есімдері, олардың ерлік істері архив құжаттарында сақтаулы. Бұл тек бір күннің емес, ұрпақтар жалғасының игі ісі. Архившілер өздерінің бүгінгі тағзымымен барша қазақстандықтарды батырларды еске алуға, тарихқа құрметпен қарауға шақырды

Құрметті Ляззат Серікбекқызы!

Сізді 55 жас мерейтойыңызбен шын жүректен құттықтаймыз!

Сіз – білікті басшы, парасатты тұлға, өз ісінің нағыз маманысыз. Ұжымымызды алға жетелеп, әрдайым қолдау көрсетіп, бағыт-бағдар беріп келе жатқаныңыз үшін зор алғысымызды білдіреміз. Сіздің іскерлігіңіз бен ұйымдастырушылық қабілетіңіз, адамгершілігіңіз бен қарапайымдылығыңыз баршаға үлгі.

Осы мерейлі жасыңызда Сізге зор денсаулық, ұзақ ғұмыр, отбасылық бақыт, еңбегіңіздің жемісін көріп, абыройыңыз асқақтай беруін тілейміз. Әр күніңіз қуанышқа толы болып, алар асуларыңыз биік, жетер жетістіктеріңіз мол болсын!

Ізгі ниетпен,

Жамбыл облысының мемлекеттік архив ұжымы!